Мэргэжлийн теннисчдийн холбоо (ATP), эмэгтэй теннисчдийн холбоо (WTA) ээлжит чансаагаа өчигдөр (05.10) гаргасан байна.

Эрэгтэйчүүдийн чансааг Францын нээлттэй тэмцээний хагас шигшээд Рафаэль Надаль ялагдсан Сербийн Новак Жокович тэргүүлсэн хэвэр байна. Бэртлийн улмаас “Францын нээлттэй тэмцээн”-ийг өнжсөн Их Британий Энди Муррей хоёрдугаар байрт, Швайцарийн Рожер Федерер гуравт бичигдсэн хэвээр бөгөөд топ арван теннисчдийн хооронд төдийлөн өөрчлөлт орсонгүй.

Эмэгтэйчүүдийн хувьд Францын нээлттэй тэмцээний түрүүлсэн АНУ-ын Серена Уильямс тэргүүлэгчийн байраа алдсангүй. Серенагийн хувьд нийт "Их дуулга"-ын 16 дахь цомоо хүртэж буй нь энэ билээ. Харин Францын нээлттэй тэмцээний шигшээд шалгарсан ОХУ-ын Мария Шарапова Беларусын Виктория Азаренкад хоёрдугаар байраа алдаж, гурав руу ухарчээ. Италийн Сара Эррина зургаагаас тав, Германы Анжилья Кербер наймаас долоо руу, Данийн Каролина Возняцки арваас ес рүү дэвшсэн байна.
 
Ингээд топ арван теннисчдийг танилцуулбал:

Эрэгтэй:

1. Сербийн Новак Жокович
2. Их Британий Энди Муррей 
3. Швейцарийн Рожер Феддер 
4. Испаний Давид Феррер 
5. Испаний Рафаэль Надаль
6. Чехийн Томаш Бердых
7. Францын Жо Уильфред Цонга 
8. Аргентиний Хуан Мартин дел Потро
9. Францын Ричард Гаске 
10. Швейцарийн Станислас Вавринка

Эмэгтэй:

1. АНУ-ын Серена Уильямс
2. Беларусын Виктория Азаренка 
3. ОХУ-ын Мария Шарапова
4. Польшийн Агнешка Радваньска 
5. Италийн Сара Эррина  
6. Хятадын Ли На
7. Германы Анжилья Кербер
8. Чехийн Петра Квитова 
9. Данийн Каролина Возняцки  
10. ОХУ-ын Мария Кириленко

Сануулахад, энэ сарын 27-нд албан бус дэлхийн аварга гэгддэг "Уимбльдон" эхлэх билээ.

Ч.БОЛ