Их дээд сургууль, коллежийн оюутнууд нийтийн унаагаар үнэгүй зорчдог билээ. Харин сүүлийн өдрүүдэд зарим автобус компанийн мөнгө хураагч нар “сургууль амарсан” гэдэг шалтгаанаар оюутан суралцагчдыг нийтийн тээврийн хэрэгсэлээр үнэгүй зорчуулахгүй, мөнгө нэхэх тохиолдол гарч байгаа билээ. Харин энэ талаар оюутан суралцагчид энэ сарын 30 хүртэл виза картаараа чиглэл болон цаг харгалзахгүйгээр зорчих эрхтэйг Монголын оюутны холбооноос албан ёсоор мэдэгдсэн байна. Харин нийтийн унаагаар зорчихтой холбоотой хүндрэл чирэгдэл гарсан тохиолдолд 326 352 дугаарын утсаар мэдэгдэж болох ажээ.