“Hi-Fi records” хөгжмийн сүлжээ дэлгүүрээс долоо хоног тутамд гаргадаг шилдэг борлуулалттай цомгийн жагсаалтыг “Никитон”-ы “Үүлэн үүст” цомог дахин тэргүүллээ. Уг цомог нь худалдаанд гарсан цагаасаа эхлэн тэргүүлсээр байна. Удтал фенүүдээ хүлээлгэсэн уг цомог өнөөдөр ч сонсогчдыг байлдан дагуулсаар байна. Түүний араас 11 долоо хоногийн турш шилдэг цомгоор шалгарч, хөгжим сонирхогчдын дунд эрэлттэйгээр өнөөдрийг хүртэл шилдгийн жагсаалтыг шил даран нэхсээр байгаа “Ертөнц” цомог удаалжээ. Сонирхуулахад, “Брос Рекордс”-ын тэнгэрийн өнгөтэй “Ертөнц” цомог тун удахгүй тайзан дээрээс эгшиглэх юм. Ирэх долоодугаар сарын 5-наас наймдугаар сарын 19-нийг хүртэл Монголын Хүүхдийн ордны бэсрэг танхимд тоглогдох “Universe Live” тоглолтын бэлтгэл ажил хэдийнэ эхэлчихээд байгаа бөгөөд шилдэг хөгжимчид ертөнцийн анирыг таньд сонордуулах юм.

Өнгөрсөн долоо хоногт борлуултаараа тэргүүлсэн шилдэг 10 цомгийг танилцуулья.

 

№	Хамтлаг/Дуучин	Цомгийн нэр	Үнэ
1	Никитон	Үүлэн үст	55000
2	Онон	Ертөнц	20000
3	FM 98.5	2012оны шилдэг 20 дуу	15000
4	Морин хуурын чуулга	Playing love	29000
5	Жанцанноров	Бурхан халдун	23000
6	Хурд	Чи минь байгаа болохоор DVD	30000
7	Балхжав	Миний дуунууд 2012	25000
8	Лхагвасүрэн	Харангын Лхагваа	15000
9	Соёл студи	60-70 оны дуунууд	7500
10	Монсудар	Тайвшрал	10000

 

Г.ДАША