Хэлэлцүүлгийн үеэр Засгийн газрын тэргүүн Н.Алтанхуягийн өгч буй мэдээллээр иргэд ирэх даваа гариг буюу зургадугаар сарын 17-ноос эхлэн иргэд 8 /±1/ хувийн хүүтэй зээлд хамрагдаж болохоор болсон байна. Ингэхдээ Монголбанкны шалгуур хангасан арилжааны бүхий л банкуудаар дамжуулж авах бөгөөд 80 м2-аас ихгүй талбайтай шинээр ашиглалтад орсон болон одоо ашиглагдаж байгаа хуучин орон сууцыг 20 хүртэл жилийн хугацаатай, жилийн 8 /±1/ хувийн хүүтэй зээлээр худалдан авна. Урьдчилгаа төлбөрт 10-30 хувийг төлөхөөр тусгажээ.
Өмнө нь орон сууцны зээлтэй байсан иргэдийн хувьд ч ялгаагүй ирэх даваа гаригаас эхлэн арилжааны банкуудад хүсэлтээ гаргаж, 8 /±1/ хувийн хүүтэй зээл рүү шилжих боломжийг бүрдүүлжээ.