“Америкийн шүтээн” шоуны 2002 оны ялагч нэрт дуучин Келли Кларксон өнгөрөгч долоо хоногт өөрийнх нь хамгийн үнэ цэнэтэй зүйлүүдийн нэг сүйн бөгжөө алга болгосоноос нилээн бухимджээ. Тэрээр өнгөрсөн бямба гаригт Нэшвиллд болсон “CMA” хөгжмийн наадмын үеэр бөгжөө алга болгож тоглолтын дараа сүйт залуу Брэндоны хамтаар эрдэнийн чулуун шигтгээтэй бөгжөө удтал хайсан гэнэ.

Ийнхүү ихээхэн хичээл зүтгэлийн дараа Кларксон бөгжөө олсон сайхан мэдээгээ твиттертээ бичиж “бурхан минь, би бүх өдрийн турш цухалдсан. Харин бөгжөө олсонд маш их баяртай байна” гэжээ. Кларксон өөрийн менежер, дуучин Брэндон Блайкстоктой өнгөрөгч оны арванхоёрдугаар сард сүй тавьсан юм. Харин саяхан хосууд ирэх аравдугаар сард хуримлах тухайгаа албан ёсоор олон нийтэд зарлаад байгаа билээ.