Эрүүл мэндийн сайд Н.Удвал, дэд сайд Ж.Амарсанаа нар өнөөдөр эрүүл мэндийн байгууллагын дарга нартай уулзаж, эмнэлгийн тусламж, үйлчилгээний бодит байдлын талаар мэдээлэл сонссон байна. Уулзалтын үеэр эмнэлгийн дарга нар эмнэлгийн тусламж, үйлчилгээ хэвийн явагдаж байгааг танилцуулж,  хэд хэдэн шийдвэрлэх асуудал байгааг уламжилсан байна. 

Тухайлбал, энэ сарын 15-наас ашиглалтад орж буй нэгдүгээр төрөх эмнэлэгт Баянгол дүүргийн эхчүүд харьяалагдан үйлчлүүлэх, тус төрөх эмнэлэгт шаардлагатай байгаа ширээ сандлыг олгох, Нэгдүгээр төрөхийн түргэн тусламжийн гурван автомашины нэгийг Хан-Уул дүүргийн нэгдсэн эмнэлэгт шилжүүлэх, Нэгдүгээр эмнэлгийн хуучин рентген аппаратыг шинэчлэх зэрэг асуудлыг хэлэлцэж, яамны удирдлагууд шийдвэрлэсэн байна.