“Авъяаслаг британчууд” шоу долоо дахь цувралынхаа ялагчийг өнгөрөгч бямба гаригт тодруулжээ. Шоуны ээлжит цувралын ялагчаар “Attraction” нэртэй Унгарын бүжгийн хамтлаг түрүүлж, инээдмийн төрлөөр шоунд оролцсон Британийн Жак Карол, дуурийн дуэт Ричард, Жонсон нарыг ардаа орхисон байна.

Харин шилдгүүдийг тодруулж байх мөчид буюу Ричард, Жонсон нарыг тайзнаа зогсож байх үед тайзны араас нэгэн эмэгтэй гарч ирэн, шүүгчид рүү өндөг шидэж, олны анхаарлыг татаад авчээ. Энэ үеэр хамгаалалтын ажилчид түргэн хугацаанд эмэгтэйг тайзнаас буулгаж шүүгчид, оролцогчдын аюулгүй байдлыг хангасан байна. Эх сурвалжуудын мэдээлснээр өндөг шидсэн эмэгтэй гуравдугаар байр эзэлсэн дуурийн дуэт Ричард, Жонсон нарын хөгжөөн дэмжигч байсан бололтой. Ийнхүү багагүй эсэргүүцэлтэй тулгараад авсан Саймон Коул энэ үеэр “Надад тэр өндөг огтхон ч таалагдсангүй” хэмээн твиттертээ бичсэн байна.

“Авъяаслаг Британчууд”-ын эцсийн шалгаруулалтад үлдсэн оролцогчдын нийлбэр санал хураалтын дүнг танилцуулъя:

• Attraction-27.0%
• Jack Carroll-20.1%
• Richard & Adam-15.4%
• Steve Hewlett-14.7%
• Luminites-6.8%
• Jordan O"Keefe-3.7%
• Gabz-3.6%
• Arisxandra-2.9%
• Pre-Skool-2.8%  
• Francine Lewis-2.0%
• Asanda-1.2%