Испанийн Эзэн хааны “Реал Мадрид” болон Италийн “Ювентус” багуудын домогт тоглогчдын нөхөрсөг тоглолт боллоо. Испанийн нийслэл Мадрид хотын “Сантьяго Бернабеу” цэнгэлдэхэд болсон энэхүү 2:1-ийн харьцаатай талбайн эзэн буюу “Реал Мадрид” багийн домгууд хожсон байна. Энэ зун европийн хөлбөмбөгийн томоохон багуудын домогт тоглогчид хандивын тоглолт хийж байгаа юм. “Реал”-ын домгууд өмнө нь Английн “Улаан чөтгөрүүд” буюу “Манчестер Юнайтед” багийн домогт тоглогчтой өрсөлдөж, мөн л 2:1-ийн харьцаатай хожсон юм. Тоглолтын гоолын салхийг Луйш Фигу зургаа дахь минутад нээсэн юм. Харин зочин багаас хоёрдугаар үеийн 62 дахь минутад Паоло Монтеро гоолдож тооны харьцааг тэнцүүлсэн байна. Гэсэн ч 67 дахь минутад Луйш Фигугаар сэлгэгдэн талбайд гарсан Иван Перес гоолдсоноор тоглолтын эцсийн цэгийг тавьжээ. 

"Реал" (Испани) 2-1 “Ювентус" (Итали)

Гоол: Фигу, 6 (1:0). Монтеро, 62 (1:1). Иван Перес, 67 (2:1).

Гарааны бүрэлдэхүүн (сэлгээ):

"Реал": Буйо (Иллгнер 29), Чендо (Веласко 29; Рохас 55), Роберто Карлос (Сабидо 71), Йерро (Бутрагеньо 66), Редондо (Мартин Васкес 71), Зидан (Сантильяна 74), Фигу (Иван Перес 66), Эльгера (Павон 27), Амависка (Каннаваро 40), Морьентес (Карамбе 40), Санс (Дани 40).

"Ювентус": Таккони (Перуцци 40), Торричелли (Тудор 48), Феррара, Фабио Каннаваро (Порини 40), Паоло Монтеро, Биринделли (Массимо Мауро), Салихамижич (Югович 17, Жанниккеда 40), Пауло Соуза (Миркович 48), Эдгар Давидс (Зидан 77),Павел Недвед, Раванелли (Аморузо 33).