Мексикийн олонд алдаршсан айсхий нар хөл бөмбөгийн дэлхийн аварга шалгаруулах  “Өмнөд Африк-2010” оны тэмцээний үр дүнгийн талаар мэрэг төлгөө буулгаж байна.  “Ахмад үзмэрчин” хэмээн алдаршсан Антонио Васкес  шилэн бөмбөлгөө өнхрүүлэн үзээд Европын нэгэн орон ялагч болно гэж мэргэлжээ.
Ахмад үзмэрчин “Дэлхийн аваргын цомын төлөө Бразилийн баг Европын нэгэн шигшээ багтай тоглож ялагдал хүлээх юм байна” гэж ярьсан байна. Тэрээр “Голландын шигшээ баг ялагчаар тодрох төлөв буугаад байна” гэжээ.
Өөр нэгэн үзмэрчин “Мака” аваргын төлөө Бразилийн шигшээ баг тоглоно гэдэгтэй санал нийлж байгаа боловч Германы шигшээ баг түрүүлнэ гэсэн байна.
Үзмэрч Васкес Мексикийн үндэсний шигшээ багийн хувь заяаны талаар мэргэлж үзээд “сүүлчийн шилдэг найман багийн бүрэлдэхүүнд үлдэх боловч Өмнөд Африкийн багтай тоглож ялагдана” гэсэн байна.
Харин үзмэрч “Мака” ацтекуудын аваргын баг сүүлчийн найман багийн бүрэлдэхүүнд үлдэж, Аргентины багийг ялах боловч хожим нь сүүлчийн дөрвөн багийн тоглолтод Германы багт хожигдоно” гэсэн байна.

Эх сурвалж” AFP
Бэлтгэсэн Д.Пунцаг