Аялал, жуулчлалын улирлыг тохиолдуулан амьд тоглолтын хэлбэрээр найруулан тавьж буй “Universe live” тоглолтын бэлтгэл ажил хэдийн эхэлсэн тухай бид өмнө нь дуулгаж байсан. Тэгвэл энэ удаад “Ертөнц” тоглолтын билэг тэмдгийн талаар цөөн мэдээлэл хүргэе. Монгол орны аялал жуулчлалын салбарт цоо шинэ брэнд бүтээж буй нүүдэлчдийн алжаал тайлах хөгжим nomadic chillout  урсгалаар хүрэх гэж буй “Universe live” тоглолт нь “Ертөнц” цомгоос бүрдэх бүтээл гэдэг утгаараа “Ертөнц” цомгийн ерөнхий санааг нэвт шингээжээ. Мөнх хөх тэнгэр, цайлган цагаан сэтгэлийг дүрслэх цагаан, цэнхэр өнгөний хослол хөгжим сонирхогч хэн бүхний хувьд “Ертөнц” гэсэн санааг хэдийн илэрхийлдэг болсон. Дээрээс нь эвхмэлээр бичсэн ертөнц хэмээх үгийг тойрсон цацраг нь Ертөнц тоглолтоос урсан гарах аялгуу ертөнц дахиныг нарны гэрэл мэт гийгүүлж буй юм гэсэн санааг агуулдаг.

Уг тоглолтод “Ертөнц” цомгийг бүтээж эхэлсэн цагаас хамт байсаар ирсэн Монголын шилдэг хөгжимчид оролцож, “Дэлхий” хамтлагтай хамтран тоглож байгаа нь онцлог юм.  Орчин үеийн урлагт үндэсний брэнд бүтээх зорилготой тэдний эрхэм хүсэл бол эх орныхоо урлагийг ертөнц дахинаа сурталчлах юм. Энэ зуныг тэдэнтэй цуг зугаатай өнгөрүүлээрэй.