Дэлхийн домогт дуучдын нэг Барбара Стрейзанд өчигдөр Нидерландын Амстердам хотноо өөрийн бие даасан “Barbra Live” нэртэй аялан тоглолтоо хийжээ. Гайхамшигт дуу хоолойгоороо хөгжим сонирхогчдыг байлдан дагуулдаг тэрээр өнгөрөгч оноос олон улсад хийх уг аялан тоглолтоо эхэлсэн боловч энэ оны дөрөвдүгээр сар хүртэл түр завсарлаад байсан юм.

Барбара Стрейзанд “Barbra Live” тоглолтоосоо өнгөрөгч оны байдлаар 40.7 сая ам.долларын орлого олсноор хамгийн олон үзэгчтэй аялан тоглолтын эзнээр тодрох болсон. Дуу хөгжимд хөл тавьснаасаа хойш Стрейзанд “An Evening with Barbra Streisand”  “Barbra Streisand”, “Timeless”, “Streisand” “Barbra Live” тоглолтуудаараа хамгийн их ашиг орлого олж, олон мянган сонсогч фэнүүдийг цуглуулж чадсан тухай хэвлэлүүд онцолдог. Тэрээр ирэх зургадугаар сарын 22 хүртэл Хойд Америк, Европ, Азиар аялан тоглолтоо үргэлжлүүлэх юм байна.