ОХУ-ын Уфа хотноо даамын эрэгтэйчүүдийн 53 дахь удаагийн Дэлхийн аварга шалгаруулах тэмцээн үргэлжиж байна.

Өнөөдөр тэмцээний 6-р өргийн тоглолт болж, "B" хэсэгт өрсөлдөж буй их мастер Д.Эрдэнэбилэг Тринидад ба Тобагогийн даамчинтай тэнцлээ. Харин “А” хэсэгт өрсөлдөж буй их мастер Г.Ганжаргал дэлхийн 6 удаагийн аварга А.Георгиевт хожигдсон байна. Маргааш их мастер Д.Эрдэнэбилэг Украйны Иван Артемов, их мастер Г.Ганжаргал Гвинеий Акой Чарльзтай оноолт таарчээ.

“В” хэсэгт тоглож буй их мастер Д.Эрдэнэбилэг ОХУ, Украйны их мастеруудын хамтаар 9 оноотой хэсгээ тэргүүлж байна.

Дэлхийн 25 орны 40 даамчин дөрвөн хэсэгт хуваагдан өрсөлдөж буй бөгөөд хэсэг тус бүрийн эхний гурван байраар шалгарсан даамчид цааш шигшээ тэмцээнд оролцох эрхийг авах юм. 

Тэмцээний талаарх мэдээллийг www.mondaam.mn болон www.wdc2013ufa.ru сайтуудаас хүлээн аваарай.