Өмнөд Солонгосын прокурорууд экс Ерөнхийлөгч Жон Дү-Хуаны том хүүгийн эзэмшдэг 2004 онд Карибын тэнгисийн оронд байгуулагдсан офшор компанийг олж илрүүлжээ. Прокурорууд Жон Жэ-Кукийн эцэг, экс Ерөнхийлөгчийн хээл хахууль, их хэмжээний татвараас зайлсхийсэн хэрэг болон дүү Жон Жэ-Ёнгийн 16.7 тэрбум воны татвараас зайлсхийсэн хэргийг тус тус мөрдөн шалгаж байх явцдаа түүний офшор компанийг олж илрүүлсэн аж. Өмнөд Солонгосын армид өндөр албан тушаал хашиж явсан Жон Жэ-Кукийн Их Британийн Виржиний аралд  байх нууц компанийг анх олон улсын эрэн сурвалжлах сэтгүүл зүйн консорциумаас олж илрүүлжээ. Одоогоор Жон Жэ-Кук өөрийн офшор компанийн данснаас аавынхаа эзэмшдэг дансанд 7.3 тэрбум вон шилжүүлсэн нь тогтоогдоод байгаа гэнэ.

БНСУ-ын мөрдөн шалгах албаныхны зүгээс экс Ерөнхийлөгч Жон Дү-Хуаны нууц хөрөнгө болон 167.2 тэрбум вон /149.3 сая ам.доллар/-ын татвараас зайлсхийсэн хэргийг мөрдөн шалгаж байгаа аж.

Жон Дү-Хуан нь 1980-1988 оны хооронд Өмнөд Солонгосын төрийг тэргүүлж байсан бөгөөд анх 1979 онд цэргийн эргэлтээр төрийн эрхэнд гарч байжээ. Өмнөд Солонгосын прокуророос түүнийг 1997 оноос хойш шалгаж байгаа юм байна.