“Hi-Fi records” хөгжмийн сүлжээ дэлгүүрээс долоо хоног тутамд гаргадаг шилдэг борлуулалттай цомгийн жагсаалтыг “Никитон”-ы “Үүлэн үүст” худалдаанд гарсан цагаасаа хойш тэргүүлэн өнөөдрийг хүртэл нэгд жагссаар байгаа юм. Удтал фенүүдээ хүлээлгэсэн уг цомог өнөөдөр ч сонсогчдыг шууруулан борлуултаараа тэргүүллээ. Түүний араас 11 долоо хоногийн турш шилдэг цомгоор шалгарч, хөгжим сонирхогчдын дунд эрэлттэйгээр өнөөдрийг хүртэл шилдгийн жагсаалтыг шил даран нэхсээр байгаа “Ертөнц” цомог удаалжээ. Сонирхуулахад, “Брос Рекордс”-ын тэнгэрийн өнгөтэй “Ертөнц” цомог тун удахгүй тайзан дээрээс эгшиглэнэ гэсэн шүү. Ирэх долдугаар сарын 5-наас наймдугаар сарын 19-нийг хүртэл Монголын Хүүхдийн ордны бэсрэг танхимд тоглогдох “Universe Live” тоглолтын бэлтгэл ажил хэдийнэ эхэлчихээд байгаа бөгөөд шилдэг хөгжимчид ертөнцийн анирыг танд сонордуулах нь ээ.

Түүнчлэн жагсаалтын гуравт “DX production” “Бяцхан цох” цомог хүүхдийн баяраар эрэлт ихтэй байжээ.

Борлуулалтаараа тэргүүлж буй шилдэг 10 цомгийг танилцуулъя.

№	Хамтлаг/Дуучин	Цомгийн нэр	Үнэ
1	Никитон	Үүлэн үст	55000
2	Онон	Ертөнц	20000
3	DX production	Бяцхан цох CD	15000
4	Балхжав	Миний дуунууд 2012	25000
5	Жанцанноров	Бурхан халдун	23000
6	Болд	Монгол поп-2	25000
7	Best FM 98.5	2012 оны шилдэг 20 дуунууд	20000
8	Лхагвасүрэн	Харангын Лхагваа	15000
9	Anemone	Anemone	15000
10	A Sound	Зуун наст	12000