ОХУ-ын хойд хэсгийн шоронгийн харгалзагчид нэгэн залжин гэмт хэрэгтнийг баривчилжээ. “Associated Press” агентлагт мэдээлснээр ОХУ-ын Коми улсын “Penal Colony No.1” шоронгийн хамгаалагчид шоронд нууцаар гар утас, зай зэргийг гэдсэндээ нуун авч орохыг завдсан хар алаг муурыг баривчилсан байна. Шоронгийн харгалзагчдын зүгээс зальжин муурын хамсаатнуудыг тодруулахаар мөрдөн шалгах ажиллагаа явуулсан ба хэрэгтэн муурын хувь заяа хэрхсэн нь тодорхойгүй гэнэ.

Үүнээс өмнө өнгөрсөн арванхоёрдугаар сард Бразильд үүнтэй ижил аргаар шоронгийн хоригдлуудад бараа дамжуулж байсан муурын зулзага баригдаж байсан билээ.