Авлигын гэмт хэрэгтэнд чанга ял өгөх хэрэгтэй

Баянзүрх дүүргийн иргэн Д.Дондовсамбуу:

-Өмнө нь авлига хэрээс хэтрээд байсан нь үнэн. Харин одоо нэг үеэ бодвол харьцангуй багассан гэж бодож байгаа. Ер нь төрд ажил­ладаг хүмүүс авлига авах бо­ломж байсан байна. Тиймээс ав­лигыг багасгах, үгүй болгох олон арга байгаа. Тухайлбал, төрд ажиллаж байгаа хүмүүсийн ца­лин, хангамжийг өндөр болгох шаард­лагатай. Эхлээд тэдгээр хү­мүүсийн цалин өндөр болж байж, ту­хайн хүмүүс ард иргэдээс ав­ли­га авахгүй үйлчлэх болно. МАХН-ын дарга Н.Энхбаярыг шийт­гэсэн нь төрийн авлига ав­даг олон томчуудад нэлээн сайн сануулга болсон болов уу гэж бо­дож байгаа. Тиймээс авли­гын гэмт хэрэгт холбогдсон нь тог­тоогдвол буух ял нь хүнд, чанга байх хэрэгтэй. Хэрэв тийм байж чад­вал авлигын хэрэг эрс багасах болно гэж бодож байгаа.

Баянгол дүүргийн иргэн З.Пүрэв:
-Авлигын эсрэг олон ажлуудыг хийж хэрэгжүүлж байгаа. Гэхдээ хүн бүрийн амьдралд мэдэгдэхүйц багасч чадахгүй байна. Тиймээс шинэчлэлийн Засгийн газар ав­лигын эсрэг хийж байгаа аж­луу­даа улам эрчимжүүлж ажиллах шаард­­лагатай байна. Миний бо­дож байгаагаар Газрын албыг маш сайн шалгавал зүгээр байх. Ту­хайлбал, Зайсангийн тусгай хам­гаалалттай газар яагаад тэгж их хэмжээний газрыг зүгээр л ямар ч хяналтгүй өгчихсөн бай­даг юм бэ. Энэ мэт асуудлыг шал­гаад, авлига хамгийн их бай­гаа салбарыг судлаад тухайн сал­барыг нь авлигагүй болгох бүх шат­ны ажлыг зохион байгуулах хэ­рэг­тэй байх. Нэг үеийг бодвол ахиц дэвшил гарч байгааг хэлэх­гүй өнгөрч болохгүй байх аа.

Сүхбаатар дүүргийн иргэн Ц.Зоригтөгс:

-Авлига төрийн албаны дунд шат­ны ажилчдын дунд буурахгүй байна. Харин дээгүүр төрийн дээд албан тушаалтнуудын дунд багасч байх шиг харагдаад бай­гаа юм. Гэхдээ Авлигатай тэм­цэх газар байгуулагдаад хийж хэрэг­жүүлж байгаа ажил нь тодорхой хэмжээнд үр дүнгээ өгч байна. Энгийн иргэд бидэнд мэдэгдэхгүй байгаа ч мэргэжлийн хүмүүс нь су­далж шинжилж үзээд багасч бай­на гэж тогтоогоод байгаа. Ер нь энэ талын гэмт хэрэг ба­гасвал улс орон хөгжих том гарц гэдгийг олон хүн хэлдэг. Тий­мээс авлигагүй нийгэмд амьд­рах хүсэлтэй л байгаа бол ир­гэн бүрийн зүтгэл хэрэгтэй гэж бо­дож байна. Учир нь эрүүл мэнд, бо­­ловсролын салбарт иргэд өөрс­дөө сайн дураараа их бага хэм­жээ­гээр авлига өгөөд байгаа. Энэ мэт байдал үгүй болчихвол авли­га цэцэглэн хөгжих орчин үгүй бо­лох болно.

Авлига байгаа салбарт авлигатай тэмцэх хөтөлбөр хэрэгжүүлье
 

Сүхбаатар дүүргийн иргэн Н.Агваан:

-Авлигатай тэмцэх газар сайн  ажиллаж байгаа. Гэхдээ төрийн за­хир­гааны байгууллагууд нэн ялангуяа цагдаа, шүүхийн бай­гуул­лагын дунд авлигын төвшин тийм сайн буурахгүй байна гэж харагддаг. Тиймээс авлига их байгаа байгууллагуудад дээр нь авлигатай тэмцэх тус­гай хө­төл­бөр гаргаад хэрэг­жүүлж яагаад бо­лохгүй гэж. Шинэч­лэ­л­ийн Зас­­гийн газар авлигагүй нийг­мийг бий болгохын тулд нэлээд эр­чим­тэй ажиллаж байгаа. Энэ эр­чээрээ ажиллаад байвал авли­гын эсрэг хийж байгаа ажлууд нь тун удахгүй үр дүнгээ өгөх байх.

Баянзүрх дүүргийн иргэн Б.Эрдэнэ:
-Миний хувьд авлига эрс ба­гассан гэж ойлгож байгаа. Учир нь ямар ч ажил бүтээхэд ямар нэ­гэн байдлаар авлига их, бага хэм­жээгээр өгдөг бай­сан үе ард үлджээ. Харин бо­ловсролын салбарт авлига амь бөхтэй байгаад байна уу гэж ха­рагддаг. Тиймээс энэ салбарт ан­хаарлаа хандуулан ажиллах хэ­рэг­тэй. Хэрэв хэн нэгэн хөрөнгө чи­нээтэй баян хүнийг хүүхдийг төрийн өмчийн их, дээд сургуульд оруулж өгсөн, оюутан сурагчдад дүн тавихдаа мөнгө авсан багш, болон сургуулийн захиралд ха­туухан хариуцлага тооцдог байх шаард­лагатай. Хэрэв тэгж чадвал тус салбарын авлига эрс буурах бол­но гэж бодож байна. Ер нь сүү­лийн үед авлигатай эрчимтэй тэмцэж байгаа учир удахгүй  ав­лига гэдэг үг ард хоцорно гэж бо­дож байна.

Сүхбаатар дүүргийн иргэн В.Нарантуяа:
-Авлига аль ч Засгийн газрын үед  буурахгүй байсан. Сүүлийн үед авлига буурч байгаа гэж яриад байгаа ч ард иргэдэд нү­дэнд нь харагдаж, гарт нь баригд­тал хийгдээд байгаа зүйл алга. Ту­хайлбал, боловсрол, эрүүл мэнд, шүүх, цагдаа, төмөр зам гээд тө­рийн ихэнх байгууллагууд дээр авлига байсаар л байгаа. Тиймээс Авлигатай тэмцэх газрын одоо ажиллаж байгаа хэлбэрт нь жаа­хан  өөрчлөлт оруулах хэрэг­тэй. Мөн авлигын гэмт хэрэгтэнд тооцох хариуцлага өндөр болгох шаард­лагатай. Хэрэв энэ мэт аж­лыг шат дараатай хийж чадвал бүр ал­га болохгүй ч гэлээ тодорхой хэмжээнд багасна шүү дээ.

Сонгинохайрхан дүүргийн иргэн Ц.Гантөмөр:

-Авлига боломжийн төвшинд хүртэл буурахгүй байна. Телевиз, радиогоор сүүлийн үед авлигын индекс буурсан гэж яриад байгаа. Үүнийг би ойлгохдоо мэргэжлийн хүмүүс нь хийж нарийн судалгаа хийж үзээд л тэгж яриад байгаа гэж бодож байна. Учир нь бидний амьдралд авлига байсаар байна. Гэхдээ буураагүй гэж шууд хэлж бо­лохгүй л дээ. Авлигын эсрэг хийж байгаа олон ажлуудыг үгүйс­­­гэх аргагүй. Ер нь төрөөс хийж хэрэгжүүлж байгаа ажил ир­­­гэдийн нүдэнд харагдахгүй бай­­­гаагийн гол саад нь төрийн дунд шатны байгууллагуудын хүнд суртлын асуудал юм. Тий­мээс авлигыг багасгахаар ажил­лаж байгаа хүмүүс энэ шатны үйл ажил­­лагаанд хяналтаа сайж­руу­лах хэрэгтэй гэж бодож байна.  

Чингэлтэй дүүргийн иргэн Б.Баяраа:
-Авлига зарим салбарт бараг үгүй болсон байна. Харин зарим сал­­­барт амь бөхтэй оршсоор бай­­на. Тухайлбал, төрийн гэх то­дот­голтой бүх байгууллагад ав­ли­га их, бага хэмжээгээр байна. Ав­­ли­гатай тэмцэх газар сүүлийн үед овоо дүн дүнтэй ажиллаж бай­­­гаа. Гэхдээ 100 хувийн үр дүн га­­­рахгүй байгаа. Учир нь төрийн өн­­дөр албан тушаалтнууд тийм бо­ломжийг олгохгүй, хаагаад, боо­­­­гоод байна. Тэгэхээр яаж ажил хийх юм бэ. Энэ байдлыг л цэгц­­­лэх хэрэгтэй байна гэж бо­дож байгаа.