"Prosound" студийн дууны найруулагч Рагугийн санаачлан, Монголын рок, попын төлөөлөл болсон шилдэг уран бүтээлчидтэй хамтран хэрэгжүүлж буй “The Mongolian Live Sessions” төслийн ээлжит уран бүтээл өнөөдөр үзэгчдийн хүртээл боллоо.  Тав дахь уран  бүтээлийн эзэд бол “A Sound” хамтлагийн дуучин А.Тэмүүлэн, соло гитарчин Ц.Алтангэрэл буюу Атка нар бөгөөд тэд "You cast your spell" дуугаа ямар ч студийн засваргүйгээр дууллаа. 

Уг төслийн хүрээнд нэг дуучин, нэг хөгжимчин хамтран уран бүтээл туурвих явцыг харуулах, амьд хөгжмийн ажлыг харуулах зорилготой бөгөөд рок, попын шилдэг 16 уран бүтээлчийн найман видео бичлэгийг ямар ч засвар өөрчлөлтгүйгээр үзэгчдэд толилуулж эхэлсэн нь үзэгч, сонсогчдод ихэд таалагдаад байгаа юм.

Одоогоор төслийн хүрээнд “Sweetymotion” хамтлаг, төгөлдөр хуурч, хөгжмийн зохиолч Б.Чинбат болон “Харанга”-ын Х.Лхагвасүрэн, гитарчин Өөжгий нарын хослол, “Номин талст” хамтлагийн дуучин Т.Дэлгэрмөрөн, ятгын хатан хаан Ч.Мөнх-Эрдэнэ, Төрийн соёрхолт, дуучин Д.Болд, төгөлдөр хуурч Т.Пүрэвсүх нарын хамтарсан уран бүтээлиийг үзэгчдэд хүрээд байсан бөгөөд өнөөдөр Тэмүүлэн, Атка нарын "You cast your spell"  нэмэгдлээ.

Төслийн хүрээнд үэзгчдийн хүртээл болсон дээрх таван дууг  дараах линкээр орж үзээрэй.

youtube.com/MongolianLive
www.twitter.com/MongolianLive
www.facebook.com/MongolianLive
www.instagram/MongolianLive