“Монголын Урлагийн зөвлөл” дэлхийн шилдэг урлагийн бүтээлийг Монголын үзэгчдэд хүргэх зорилгоор алдарт “Нью Йорк Сити” балетийн компанийн найман гоцлол бүжигчдээс бүрдсэн “Америкийн бүжгийн одод” тоглолтыг энэ сард зохион байгуулах гэж байгаа юм.

Монголын үзэгчдэд хүргэх “Америкийн бүжгийн одод” тоглолтын  хөтөлбөрт Жорж Валленчинийн шилдэг бүтээлүүд багтсан бөгөөд “Хунт нуур” бүжгэн жүжгийн хар, цагаан хунгийн бүжгийн хэсгээс онцлон хүргэхээр хөтөлбөртөө багтаажээ. Америкийн авьяаслаг балетчдын тоглолт зургадугаар сарын 13, 14-нд Дуурь, бүжгийн эрдмийн театрт болох ба ДБЭТ-ын симфони найрал хөгжим болон “Арга билэг” этно жааз хамтлагийнхан оролцоно.

“Америкийн бүжгийн одод” тоглолтын ерөнхий ивээн тэтгэгчээр “Монре” даатгал, ивээн тэтгэгчээр, Хас банк, АНУ-ын ЭСЯ, ноён С.Рагчаа, “Төгөлдөр сан”, “Таван богд” групп, “Мон эм импекс” концерн, “Сайнд оф Монголия” ХХК оролцож байна.

Г.ДАША