Интернэтээр нэгэн сонирхолтой гэрэл зургууд цацагдах болжээ. Эл зургийн эзэд нь олны танил хүмүүс болон “сэргэлэн” залуу PeejeT юм.

“Instagram” сайтад түүнийг 63 мянга гаруй хүн дагадаг бөгөөд тэрбээр компьютер графикийн тусламжтайгаар одуудтай хамт байгаагаар өөрийнхөө зургийг нийтэлсэн байна. Энэ нь хэрэглэгчдэд тун өвөрмөц сэтгэгдэл төрүүлжээ.

Фотошоп программыг чадварлаг эзэмшсэн PeejeT АНУ-ын Канзас хотод амьдардаг аж. Тэрбээр өмнө нь Нью-Йоркт амьдарч байсан бөгөөд Миссоури мужийн хотод ирж хар бор ажлаас авахуулаад бараг бүгдийг хийсэн нэгэн гэнэ.

PeejeT “Instagram” хуудсандаа дэлхийн топ хүмүүстэй хамт байгаа эвлүүлэг зургаа нийтэлснээр алдартай болоод байна. Тухайлбал, тэрбээр Рианнатай сагсан бөмбөг үзэж, Бейонситэй далайгаар зугаалж, Ким Кардашиантай шоудаж, Коби Брайнттай хүртэл хамт байгаагаар зургаа эвүүлжээ.

PeejeT-ийн ярьснаар тэрбээр энэ хөгжилтэй зургуудаа эвлүүлэхийн тулд одуудын байр байдал, зогсолтод өөрийнхөө зургийг сайтар зохицуулж авах ёстой аж. Мэдээж энэ бол тийм ч амар ажил биш ч PeejeT алдартнуудтай цуг байгаа зургаа цаашид нийтэлсээр байна гэдгээ илэрхийлжээ.