NBA-гийн түүхэн дэх хамгийн агуу холбон тоглогчдын нэг өдгөө 40 настай Жейсон Кидд зодог тайллаа. Жейсон Кидд 19 жил NBA-д хүчин зүтгэснийхээ дараа ийнхүү их спортын замналаа өндөрлүүлэхээр болжээ. Кид өнгөрсөн зун “Нью-Йорк Никс” багтай гурван жилийн байгуулсан боловч, ийнхүү зодог тайллаа. Тэрээр “Даллас Маверикс” багтай 2011 онд NBA-гийн аваргын бөгжийг зүүсэн бол АНУ-ын улсын шигшээн хамт олимпийн алтан медалийг хоёр удаа хүртэж, 1995 онд Грант Хиллийн хамтаар Шилдэг залуу буюу “Rookie” тоглогчийн шагналыг хүртэж байжээ.