Английн “Манчестер Юнайтед” болон Испанийн “Реал Мадрид” багуудын домог болсон тоглогчдын тулаанд “Реал” өрсөлдөгчөө 2:1-ийн харьцаатай хожжээ. Английн “Улаан чөтгөрүүд” буюу “Манчестер Юнайтед”-ийн талбай “Олд Траффорд” цэнгэлдэхэд болсон энэхүү тоглолтын 40 дэх минутад “Реал”-ын домогт довтлогчдын нэг Фернандо Морьентес гоолдож, зочид тэргүүлж эхэлсэн байна. Харин хоёрдугаар үеийн 64 дэх минутад Голландын гоолын машин Рууд ван Нистэлроой гоолдож, тооны харьцааг тэнцүүлжээ. Гэсэн ч энэхүү тоглолтод Зинэдин Зидан тэргүүтэй “Реал Мадрид” багийн амьд домгууд хүчтэй байж, 82 дахь минутад Рубин Дэ Ла Рэд гоолдсоноор өрсөлдөгчөө буулган авсан байна.

Энэхүү тоглолтод “Манчестер Юнайтед” багаас:

Хаалгач: Раймонд ван дэр Гау, Эдвин ван дэр Сар
Хамгаалагч: Яап Штам, Ронни Жонсен, Дэнис Өрвин, Ли Мартин, Квинтон Форчун
Хагас хамгаалагч: Пол Скоулз, Йеспер Блүмквист, Брайн Робсон,
Довтлогч: Дуайт Йорке, Рууд ван Нистэлроой, Ли Шарп, Энди Коул, Тэдди Шэрингхэм

Харин “Реал Мадрид” багаас:

Хаалгач: Карлос Санчес
Хамгаалагч: Фабио Каннаваро, Иван Элгэра, Мичель Салгадо, Фернандо Йерро,
Хагас хамгаалагч: Луйш Фигу, Клод Макелеле, Зенидин Зидан, Хосе Амависка, Алфонсо Алвес,
Довтлогч: Рубин Дэ Ла Рэд, Фернандо Морьентес, Эмилио Бутрагино, Рафаэль Васкес тэргүүтэй тоглогчид оролцсон байна.