Монгол Улсын Ерөнхийлөгчийн сонгуульд оролцохдоо аль хэсгийн хороонд санал өгөх, сонгогчдын нэрийн жагсаалтад бүртгэгдсэн эсэхээ www.burtgel.mn цахим хаяганд хандаж мэдэх боломжтой болсон. Хэрэв таны  болон таны  гэр бүлийн аль нэг гишүүний нэр сонгогчдын нэрийн жагсаалтад зөрчилтэй байвал санал авах өдрөөс арваас доошгүй хоногийн өмнө зөрчлийг арилгуулах талаар  өөрийн харъяа хэсгийн хороонд бичгээр гомдол гаргах эрхтэй юм байна.

Мөн өөрийн байнга оршин суугаа газрынхаа харъяа хэсэгт санал өгөх боломжгүй бол сонгогчийн шилжилтээр санал авах өдрөөс арваас доошгүй хоногийн өмнө шилжих тухай хүсэлтээ өөрийн байнга оршин суугаа газрынхаа хэсгийн хороонд гаргаж болно. Үүний дараа шилжин очсон газрынхаа хэсгийн хороонд шилжин ирсэн тухайгаа мэдэгдсэнээр санал авах өдөр санал өгөх боломжоор хангагдах тухай УБЕГ-аас мэдээллээ.