Гадаадын иргэн, харьяатын асуудал эрхлэх газраас Монгол Улсад хүчин төгөлдөр бус хуурамч бичиг баримтаар нэвтэрсэн нь нотлогдсон, түр ирэгч виз бүртгэлийн журам нэг жилд хоёр удаа зөрчсөн, Монгол Улсад байх виз болон оршин суух зөвшөөрлийн хугацааг хэтрүүлсэн, тус улсад ирсэн зорилгоос өөр үйл ажиллагаа явуулсан, эрх бүхий байгууллагын зөвшөөрөлгүй хөдөлмөр эрхэлсэн зэрэг үндэслэлээр таван орны 246 иргэнийг өнгөрсөн баасан гаригт албадан гаргажээ. Эдгээр иргэд нь гурван жилийн хугацаанд манай улсын хилээр дахин нэвтрэх эрхгүй болж байгаа аж.

Тус газраас гаргасан мэдээгээр энэ оны эхний таван сарын байдлаар Канад, Турк, БНСВУ, БНСУ,  БНХАУ, АНУ, БНАСАУ, ОХУ, БНЭУ, Ирланд зэрэг нийт 19 орны  642 иргэнийг Монгол Улсаас албадан гаргажээ.