Хүүхдийн баяр тэмдэглээд, хөл хөөр ихтэй байгаа энэ өдөр хамгийн завгүй хүмүүс гудамж талбайн үйлчлэгч нар болж байна. Тэд өглөөний мандах нарнаас эхлэн хүүхдүүдийг тав тухтай баярлуулах гэж амсхийх завгүй ажиллаж байв. Хүүхэд багачууд ухамсартай болж, гудамж талбайд хогоо хаях нь эрс багассан талаар ТҮК-ийн ажилчид ярьж байлаа. Харин ухамсар муутай хүмүүсийн тарьсан хогийг эдгээр ах, эгч нар цэмцийтэл нь шуурхай цэвэрлэж, өдөржин завгүй ажиллав. Тэдэнд баярлалаа.