Монголын
шигшээ багийн боксчид Кубад хамтарсан бэлтгэл хийж байгаа. Боксчид
тэндээ хоёр ч тэмцээнд оролцож, шилдэг ширэн бээлийтнүүдтэй хүч үзэх юм.
Монголын боксын холбооны удирдлагууд болох Хөдөлмөрийн баатар
Э.Бадар-Ууган, П.Сэрдамба, Спортын бэлтгэлийн төвийн дарга Б.Наранбаатар
нар боксчдынхоо бэлтгэл сургуулилт, Кубын боксын холбоотой хамтарч
ажиллах талаар ярилцахаар тамирчдынхаа араас очоод байгаа ажээ. Тэд Куба
улсаас дасгалжуулагч урих, хоёр орны дасгалжуулагч солилцох гээд олон
зорилго өвөртлөн мордсон байна.