Жүжигчин, дуучин, хөтлөгч, менежер гээд жижигхэн биедээ бүгдийг багтаан гүйдэг Ч.Ундралыг үзэгчид андахгүй. Сүүлийн хоёр жил гаран АНУ-д суралцаж байсан тэрээр эх орондоо буцаж ирэн “UBS” телевиздээ эргэн ажилдаа оржээ.

Тэрээр нэг хэсэг жүжигчин Өөдөөтэй хамтран хамтлаг байгуулан дуулж байсан төдийгүй дэлгэцийн хэд хэдэн бүтээлийн гол ба туслах дүрийг чадварлаг бүтээсэн. Мөн тэрээр "Hero Entertainment”-ын найруулагч Б.Баатартай “Жи энтертаймент”-д ажиллаж байхдаа хайрын романс үүсгэн гэр бүл болж үрийн зулай үнэрлэн уран бүтээлээ хамтдаа туурвих болсон. Нөхрийнхөө ажилд туслахын зэрэгцээ УДЭТ-ын менежерийн албыг давхар хашин бүхнийг зэрэгцүүлдэг байсан хэдий ч түүнийг гэр бүлийн асуудлаас болон хүүгээ аван АНУ-ыг зорьсон гэх яриа ч бий. Өнөөдрийг хүртэл жүжигчин Ч.Ундрал энэ бүхэнд эцэслэн хариу өгөөгүй ч түүний нөхөр найруулагч Баатарыг “Монгол тулгатны 100 эрхэм” нэвтрүүлгийг хөтөлж байгаа П.Анужинтай жиг ургуулж гэргийгээсээ тусдаа амьдрах болсон гэсэн мэдээлэл хөвөрсөөр байгаа юм.