Эх үрсийн баярыг тохиолдуулан УИХ-ын гишүүдийн хүүхдүүд өнөөдөр Төрийн ордонтой танилцлаа. УИХ-ын эрхэм гишүүдийн бяцхан үрс өнөөдөр улс төрийн, улс эх орны ажил явагдаж байдаг, өөрөөр хэлбэл “чухал” яриа өрнөдөг Төрийн ордонд инээлдэн гүйж ордны “жавар”-ыг үргээлээ. Инээд цалгиулан хөөцөлдөн тоглох бяцхан үрс аав, ээжийгээ дуудан гүйлдэж, төрийн ордон хүүхэд шуугисан “өргөө” болон хувирсан юм.

Нийт 135 хүүхэд төрийн ордонтой танилцахаар бүртгүүлсэн байсан ч зарим нь ирж амжаагүй юм байна. Эдгээр хүүхдүүдээс хамгийн бяцхан нь Ерөнхий сайд Н.Алтанхуягийн бага хүүхэд нь байсан юм.