М-Си-Эс Кока-Кола компани нь нийгмийн хариуцлагын  хүрээнд 2005 оноос хойш Бадамлянхуа асрамжийн төвийн хүүхдүүдийн сурах хөгжих, өсөж хүмүүжих нөхцөл бололцоог нь хангах үүднээс жил бүр 20000 ам долларын буцалтгүй тусламж үзүүлж ирсэн билээ. Нийт 8 жил дараалан өгсөн мөнгөөр сургууль завсардсан хүүхдүүдийн хоцрогдлийг арилгах болон тэднийг ая тухтай амьдруулах дотуур байр, сургууль зэргийг барьжээ.

Үүнээс гадна жил бүрийн шинэ жил, Олон улсын хүүхдийн эрхийг хамгаалах өдрүүдэд  бяцхан хүүхдүүдийн эцэг эхийн оронд эх эцэг болж баярлуулдаг ажээ. Энэ жил уламжлал ёсоор  6 сарын 1-нд М-Си-Эс Кока-Кола компанийн ах эгч нар нь гачууртад байдаг байран дээр нь очиж баярын бэлгийг нь гардуулан нэг өдрийг хамт баяр хөөрөөр дүүрэн өнгөрүүллээ.

Мөн түүнчлэн Дархан хотын “Нарны хүүхдүүд” асрамжийн төв болон Эрдэнэт хотын “Энэрэл” асрамжийн төвийг 2 дахь жилдээ дэмжин ажиллаж байна.

М-Си-ЭС Кока-Кола компани нь өөрийн харьяалагдаж буй дүүрэг хорооныхоо эмзэг бүлгийн хүүхдүүд болон хөгжлийн бэрхшээлтэй хүүхдүүдэд сэтгэлийн дэм өгөх, тэдний ирээдүйд урам хайрлан гарын бэлгээ бэлэглэлээ.