Каунтри од Тейлор Свифт өөрийн нэрээр нэрлэсэн сүрчиг гаргах тухай саяхан “People” сэтгүүлд өгсөн ярилцлагадаа дурьджээ. Гэхдээ түүний шинэ сүрчиг хараахан худалдаанд гарах болоогүй гэнэ.

Тейлор хэтэрхий нялуун биш ч цэцэгсийн үнэр холилдсон, эсвэл ой, жимсний үнэртэй, зөөлөн маягийн үнэртэнд дуртай бөгөөд яг л ийм сүрчиг гаргахаар төлөвлөж байгаа гэнэ. Ярилцлагынхаа үеэр тэрээр шинэ үнэртнээ нэг үгээр хэлбэл хамгийн “сонгодог” хэмээн тодорхойлсон байна. Тэрээр хувцаснаас үргэлж үнэртэх сүрчгийг аксессуараас ч илүү чухалчилдаг гэнэ.