Дуучин Куш, төгөлдөр хуурч Оюука нарын “Kush & Oyuka” хамтлаг тун удахгүй "Say it now" жазз тоглолтоо хийхээр төлөвлөөд байгаа.  Тэд энэ тоглолтоо анхны бие даасан "Say It Now" ЕР цомгийн нээлт болгон хийхээр төлөвлөжээ. Шинэ цомог ирэх долоо хоногт хэвлэлтээс ирэх аж.

2011 оноос жазз урсгалаар тоглож эхэлсэн “Kush & Oyuka” өөрсдийн цуврал ковер тоглолтуудыг жааз хөгжим сонирхогчдод хүргэсээр ирсэн юм. Тэдний дөрөв дэх бие даасан “Say it now” тоглолт ирэх зургадугаар сарын 8, 9-нд Соёлын төв өргөөний ард байрлах  “iLoft Function House”-д 19.00 цагт болно. Уг тоглолтод тэдний шинэ цомогт орсон дуунууд болон стандарт жазз дуунууд эгшиглэнэ гэсэн шүү.