Монголын уулчдын үндэсний холбоо, Ховд аймгийн Засаг даргын тамгын газар, Ховдын Биеийн тамир, спортын газраас хамтран Ховд аймгийн нутагт орших Сайр хайрханд нэгдсэн авиралт зохион байгуулахаар болсон билээ. Уг авиралтад оролцох уулчдын баг бүрэлдэхүүн зургадугаар сарын 2-нд Улаанбаатараас Ховд аймгийг зорин хөдөлсөн бол өчигдөр үндсэн авиралтаа эхлүүллээ. Сайр хайрханд Монголын уулчид хөл тавьж үзээгүйгээрээ энэ удаагийн авиралт онцлогтой.

Монгол Улсын гавьяат тамирчин Г.Өсөхбаярын ахлах авиралтын бүрэлдэхүүнд Улаанбаатар, Орхон, Баян-Өлгий, Өмнөговь, Завхан, Ховд аймгийн 60 гаруй уулчин багтаж байгаа юм.