Алдарт Жеймс Бондын хамгийн сүүлд гарсан “Skyfall” киног бүтээсэн найруулагч Сэм Мендес кино сонирхогчдын хүсэн хүлээдэг бүтээлүүдийн нэг тус киноны 24 дахь цувралыг хийхгүй гэдгээ албан ёсоор мэдэгдэж байсан. Гэсэн хэдий ч нэрт найруулагчийг бодлоо өөрчилсөн тухай “aceshowbiz” саяхан мэдээлжээ.

Иймд Жеймс Бондын дараагийн цувралд мөн л жүжигчин Даниэль Грейг тоглох бололтой. Тус киног “EON” продакшин болон Sony компани хамтран хийхээр Сэм Мендесээс гадна Энг Ли, Николас Виндин нарын нэр хүндтэй найруулагчдыг нэр дэвшүүлээд байгаа ч Мендес алдарт Бондын дараагийн цувралыг найруулах магадлал өндөр гэнэ.

Гэхдээ Мендесийг Бондын ээлжит цувралыг найруулах талаар албан ёсны тайлбар хараахан гараагүй ч дээрх мэдээлэл үнэн бол 2016 оноос тус кино дахин үзэгчдийн хүртээл болох гэнэ.