“Челси” клубт ерөнхий менежерийн үүргийг түр хугацаанд гүйцэтгэж, “Европа лиг”-ийн цомыг хүртсэн Рафаэл Бенитэзийг Италийн “Наполи” клуб дасгалжуулагчаараа ажиллуулахаар болжээ. Наполигийн удирдлагууд “Интер Милан” клуб Вольтер Мазарригаар удирдуулахаар болсоны дараа Бенитэзтэй тохиролцоонд хүрэхээр хичээж эхэлсэн байна. Энэ мэдээлэл үнэн болохыг “Наполи” клубын ерөнхийлөгч Аурелио Де Ёорентис баталж “Рафа ирэх улиралд манай дасгалжуулагчаар ажиллахаар боллоо” гэж хэлсэн ажээ. Өнгөрсөн улиралд “Наполи” клуб Ювентусын ард бичигдсэн бөгөөд ирэх улиралд Аваргуудын лигт хүч үзнэ. Энэ жил Челсиг түр хугацаанд удирдсан Рафа Челси клубыг европа лигийн цомд хүргэж, Английн премьер лигт гуравдугаар байрт бичигдсэн билээ. Өдгөө 56 настай Испани мэргэжилтэн “Валенсиа”, “Интер Милан”, “Челси”, “Ливерпүүл” гэсэн дөрвөн багийг удирдаж, нийтдээ арван цом хүртэж байсан нэгэн юм.