Хагас зуун жилийн ойгоо саяхан тэмдэглэсэн Дуурь бүжгийн эрдмийн театр өөрийн гэсэн фэйсбүүк хуудсаа нээжээ.  Тус театрын page-нд орж, “like” дарсан 500 дахь хүнийг тодруулахаар болсноо нийтэд зарлав. 500 дахь  “Like”-ийн эзнийг балетын хос тасалбар хүлээж байгаа юм байна. Түүнчлэн ДБЭТ  Эх үрсийн баяр зургадугаар сарын 1-ний өдөр хүүхдүүдэд зориулсан тусгай концерт бэлтгэжээ. Мөн өөрийн фэйсбүүк хуудсандаа ирэх зургадугаар сарын тоглолтын хуваариа гаргасан байна. Зургадугаар сарын 1-ний өдрийн хүүхдэд зориулсан тоглолт уламжлал ёсоор 17.00 цагт эхэлнэ. Цагаасаа нэг минут ч хоцордоггүй ДБЭТ-ийн алтан дүрмийг умартвал цоожтой хаалга мөргөнө гэдгийг сануулахад илүүдэх юун.

УДБЭТ-ын зургадугаар сарын тоглолтын хуваарийг хүргэж байна.

Зургадугаар сарын 2-“Цэнхэр нүдэн бүсгүй” балет
Зургадугаар сарын 8-“Нойрссон гүнж” балет
Зургадугаар сарын 9 -“Трубадур” дуурь
Зургадугаар сарын 15-“Сарьсан багваахай” оператта
Зургадугаар сарын 16-“Франческа Да Римини” балет
Зургадугаар сарын 22-“Хунт нуур” балет
Зургадугаар сарын 23-“Тоска” дуурь
Зургадугаар сарын 29-“Учиртай гурван толгой” дуурь
Зургадугаар сарын 30-“Жизель” балет