Америкийн нэртэй кантри дуучдын нэг Керри Андервуд “Улаан загалмай” хүмүүнлэгийн байгууллагад нэг сая ам.доллар хандивлах тухайгаа албан ёсоор мэдэгджээ. Түүний хандивласан мөнгийг байгалийн гамшигт өртөж, орон гэрээ алдсан хүмүүст зориулна гэдгийг түүний ойрын эх сурвалжууд мэдээлсэн байна. Саяхан Оклахамад болсон аймшигт хар салхины тухай телевизээр үзэж, олон айл өрх орон гэргүй болсонд ихэд эмзэглэсэн тухайгаа Кэрри хэвлэлд өгсөн ярилцлагадаа дурдаж байсан юм.

Кэрригийн өмнөх онд хийсэн аялан тоглолтоос олсон орлогоосоо ийнхүү нэг сая ам.долларыг хүмүүнлэгийн үйлст зориулж буй гэнэ. Тэрээр хамгийн сүүлд өнгөрсөн жил “Blown Away Tour” нэртэй аялан тоглолтоо олон улсад хийсэн юм байна.