Монголын спортын сэтгүүлчдийн холбоо Техник спортын төв, Монголын буудлагын холбоотой хамтран Буудлагын төв клубийн үйл ажиллагаатай танилцаж, энэ үеэр спортын сэтгүүлчдийн дунд буудлагын тэмцээн зохион байгууллаа.

Спортын сэтгүүлчдийн буудлагын тэмцээнд эрэгтэйчүүдээс MOНГОЛ HD телевизийн сэтгүүлч Энхбаяр, ETV-ийн зураглаач Нацагдоо, NTV телевизийн сэтгүүлч Түмэнбаяр нар алт, мөнгө, хүрэл медаль хүртсэн бол эмэгтэйчүүдийг Монгол HD телевизийн сэтгүүлч Баттөмөр тэргүүлж, Монгол HD телевизийн сэтгүүлч Түвшинжаргал, ETV-ийн сэтгүүлч Ганзул нар удаах байрт шалгарчээ.

Монголын спортын сэтгүүлчдийн холбооноос спортын бусад холбоодтой хамтран ажиллах, спорт холбоодын үйл ажиллагааг дэмжих зорилгоор цуврал арга хэмжээ зохион байгуулж байгаагийн нэг нь өнөөдрийн тэмцээн байлаа. Өмнө нь тус холбоо Монголын морин спорт, уяачдын холбоо, Монголын боулингийн холбоодтой хамтран, уулзалт, нөхөрсөг тэмцээн зохион байгуулж байсан юм.