Сүүлийн жилүүдэд олон нийтийн мэдээллийн хэрэгслээр үндэсний хэмээх тодотголтой нэвтрүүлэг, кино, тайзны бүтээлүүд олноороо төрөн гарах болсон нь сайшаалтай. Эдгээрийн нэг нь ТВ9 телевизээр эфирээр олны хүртээл болж байгаа “Хүрээ дуу хүрээ соёл” нэвтрүүлэг юм. нэвтрүүлэг энэ цаг үед гарч байгаа нь бидний мартах шахсан “дугуй цагаан малгай, намжирдан суух хүрээний ганган бүсгүйн гоёлоос авхуулаад тухайн нийгмийн бүх л өнгө давхрага, үзэл суртал, ёс заншил”-ыг сэргээн сануулж байгаа юм. Ямартай ч телевизийн олон нэвтрүүлгүүд дундаас Монголын угсаатан зүй, XIX зууны нийгмийн амьдрал, гоо зүй, тэр үеийн филасофийг дотор нь задлан хүргэж буйд нэвтрүүлэгийн ач холбогдол оршино.