Өглөө сэрнэ гэдэг зарим үед маш хэцүү байдаг. Мөн өглөө хэрхэн сэрснээс тухайн өдрийн уур амьсгал ямар байх нь хамаарах тохиолдол ч байдаг. Өглөө сэрэхдээ сэтгэл хангалуун, сайхан сэтгэгдэлтэй байвал өдрийн турш тэр сайхан энерги биднийг хүрээлж, бүхий л зүйлс бүтэмжтэй болдог. Тэгвэл танд яг тийм сэтгэгдэл төрүүлэн сэрэх боломжийг олгох нэгэн “эгдүүтэй” сэрүүлэгтэй цаг гарчээ.

im-E нэртэй уг төхөөрөмж нь таны гар утас болон iPod-ыг байрлуулах тусгай хэсэгтэй, уг хэсэгт нь та ухаалаг төхөөрөмжөө холбоод сэрүүлгээ тааруулахад л хангалттай. Өглөө болтол таны төхөөрөмжүүдийг цэнэглэх ба сэрүүлэг тавьсан цаг болонгуут сэрүүлгийн аянд тохируулан эвлэгхэн бүжиглэж эхэлнэ. Сэтгэл сэргээсэн сайхан дуу сонсож, бүжиглэж буй жижигхэн төхөөрөмжийг харахад таны нойр тэр дорхноо л сэргэх гэнэ.

Үүнийг та 60 ам.доллараар худалдан авах боломжтой аж.