NBA-ын плей-оффын өрнөд бүсийн аваргын төлөөх эхний тоглолтод “Сан Антионо Сперс” 105:83 харьцаатай “Мемфис Гриззлис” багийг 105:83-ийн харьцаатай хожлоо. “Сан Антионо Сперс” багийн талбайд болсон тус тоглолтод Тим Данкэн ердөө зургаан оноо авсан ч Тони Паркэр 20 оноо, есөн оновчтой дамжуулалт өгсөн байна.  “Сперс”-ийн гарааны тоглогчид олон оноо аваагүй ч сэлгээний тамирчдын сайн тоглолтын ачаар хүчирхэг хамгаалалттай “Мемфис”-ийг талбайдаа буулган авлаа. Мөн Хятадын сагсан бөмбөгийн лигээс NBA-д эргэн Трэси МкГради энэ тоглолтод 06:45 минутыг талбайд өнгөрүүлсэн ч оноо авч чадсангүй.

Харин “Мемфис Гриззлис” багаас Марк Гасол 15 оноо, долоон удаа самбараас бөмбөг авсан бол сэлгээнээс Пондекстер 17 оноо авч, багаа тэргүүлсэн байна.

NBA-ын дорнод бүсийн аваргын төлөө ЛеБрон, Уэйд, Бош тэргүүтэй “Майами Хит” багтай “Индиана Пэйсэрс” тоглоно. Дорнод бүсийн аваргын цувралын эхний тоглолт нөгөөдөр /тавдугаар сарын 23/ өглөөний 08:30 цагаас болно.