“Google” компанийн интернэт хөтөч Chrome хэрэглэгчдийн тоогоо эрс нэмэгдүүлж, одоогоор 750 сая идэвхитэй хэрэглэгчтэй болсон тухайгаа мэдэгдлээ. Тус компани анх 2008 онд энэхүү интернэт хөтчөө танилцуулж байсан ба өнгөрсөн жилд дэлхийн хамгийн их хэрэглэгчтэй хөтөч болж тодорсон юм. Өмнө нь Internet Explorer хамгийн олон хэрэглэгчтэй хөтөч байсан билээ.

Google Chrome –ын хамгийн давуу тал нь нууцлал сайтай, вэб сайтуудын харагдах байдал цэгцтэй харагддаг, нэмэлт олон боломжуудыг хэрэглэгчдэд олгодог юм.

Google компани тун удахгүй Google Chrome хөтчийг тэрбум хэрэглэгчтэй болно хэмээн тооцоолж байгаа аж.