Азийн сагсан бөмбөгийн холбооноос зохион байгуулдаг Зүүн азийн аварга шалгаруулах III тэмцээнд Монголын шигшээ баг Хонг Конгд 76:73-ийн
харьцаагаар ялагдаад байсан бол өнөөдөр хоёр дахь тоглолтоо БНХАУ-ын шигшээн эсрэг хийж 109:45-ийн харьцаагаар ялагдал хүлээлээ.

БНСУ-ын Инчон хотын "Самсон" ордонд болж тус тэмцээний “B” хэсэгт Монголын шигшээ баг БНХАУ, Хонг Конгийн
шигшээ багтай сугалаагаар таарсан. Эхний тоглолтоо өчигдөр Хонг Конгтой
Монголын цагаар 17.00 цагаас хийж, 76:73-ийн харьцаатай хожигдсон бол өнөөдөр БНХАУ-ын багийн эсрэг тоглож 45:109-ийн харьцаагаар ялагдал хүлээлээ. Одоо манай багийн хувьд нөгөө хэсгийн сүүлээр шалгарсан багтай V байрын төлөө буюу Азийн аваргын тэмцээний эрхийн төлөө өрсөлдөх юм.

Мөн өнөөдрийн БНСУ, Макао тоглолтыг Олон улсын шүүгч Б.Ганзориг шүүн явуулсан байна.

Өнөөдрийн тоглолтыг БНСУ-д амьдарч буй монголчууд маань хүрэлцэн ирж баг тамирчдаа дэмжжээ.

Б.БИЛЭГ

Олон улсын шүүгч Б.Ганзориг БНСУ, Макао тоглолтыг шүүж байгаа нь. 2013.05.18, БНСУ, Инчеон хот, "Самсон" спорт цогцолбор