Дуучин Майли Сайрус Канадын поп од залуу дуучин Жастин Бибертэй хамтран нэгэн шинэ уран бүтээл дээр ажиллах гэнэ. Хөгжмийн ертөнцөд хүүхэд залуус ялангуяа өсвөр настнуудын од гэгддэг Жастинтай нийлж уран бүтээл хийх тухайгаа Майли “X17online”-д хэдхэн өдрийн өмнө мэдэгджээ. Тэрээр саяхан “Ashtrays and Heartbreaks” нэртэй уран бүтээл дээрээ рэппэр Snoop Lion-тай мөн хамтран ажилласан байна.

Энэ тухай Snoop Lion “Майли бол маш чадварлаг, гайхамшигтай хоолойтой дуучин. Бид хамтран ажиллахад ямар нэг асуудал гараагүй. Түүнийг сайн дуучин гэдгийг фэнүүд нь ч сайн мэднэ. Тэр одоо шинэ цомог дээрээ ажиллаж байгаа. Түүний цомог фэнүүдэд нь таалагдана гэдэгт би 120 хувь итгэлтэй байна” гэжээ.