Их Британийн “X Factor” шоуны ялагч “One Direction” хамтлаг 2014 онд  олон улсад хийх анхны аялан тоглолтынхоо товыг зарлажээ. Хамтлагийн залуус өчигдөр аялан тоглолтынхоо талаарх хэвлэлийн бага хурлыг Лондоны Уэмблид хийсэн байна.  Их Британиас ирэх оны хавар эхлэх  уг тоглолт Ирланд, Латин Америкийн орнуудыг багтаасан арав гаруй орноор үргэлжлэх гэнэ.

“One Direction”-ий албан ёсны цахим хуудсанд мэдээлснээр тэд Латин Америкийн Бразил, Аргентин, Колумб, Перу, Парагвай, Чили, Уругвай зэрэг улсуудаар тоглохоор болжээ. Харин тоглолт эхлэх өдрийг нарийвчлан гаргасан товыг хамтлагийнхан удахгүй цахим хуудсандаа мэдээлэх гэнэ. Энэ жилийн хувьд “One Direction”-ий залуус “Take Me Home” нэртэй тоглолтоо өнгөрөгч хоёрдугаар сард эхэлж ирэх арваннэгдүгээр сард Японоор өндөрлөх юм байна.