2013 оны хоккейн дэлхийн аварга шалгаруулах тэмцээний хагас шигшээд тоглох багуудын нэрс тодорлоо. Хагас шигшээд тэмцээнийг зохион байгуулж буй орнууд болох Швед, Финляндыг шигшээ багууд хоорондоо таарсан нь хамгийн сонирхолтойд тооцогдож байна.

Тавдугаар сарын 3-нд Швед, Финлянд улсад зэрэг нээлтээ хийсэн энэхүү тэмцээний хагас шигшээд АНУ Швейцарьтай учраа таарсан байна. Хагас шигшээ тоглолтууд маргааш буюу тавдугаар сарын 18-нд 21:00 цагаас /Улаанбаатарын цагаар/ Стокгольм хотноо Швед, Финляндын шигшээ багуудын тоглолтоор эхэлнэ. Мөн АНУ болон Швейцарийн шигшээн тоглолт тавдугаар сарын 19-нд 01:00 цагаас болно.

Харин шигшээ тоглолт тавдугаар сарын 19-нд 22:00 цагаас Шведийн нийслэл Стокгольм хотын “ Эрикссон Глобен Арена”-д болно.

Энэ удаагийн ДАШТ-ний шөвгийн наймд ОХУ болон АНУ багууд тоглож, 8:3-ийн харьцаатай Нэгдсэн улсын хоккейчдын ялалтаар өндөрлөлөө. Тэмцээнээс хасагдсан ОХУ-ын хоккейн шигшээ багийнхан өнөөдөр эх орондоо ирсэн байна.

Харин Шведийн шигшээ багийнхан Канадтай тоглож, үндсэн цаг 2:2-ийн харьцаатай тэнцсэн. Улмаар нэмэлт цагт багууд гоол ороогүй тул ялагчийг буллет цохилтоор тодруулах болсон юм. Буллет цохилтоос Швед Канадыг 1:0-ийн харьцаатай маш азтай гэмээр хожлыг авч чадлаа. Мөн Финлянд Словакийн шигшээг 4:3-ийн харьцаатай хожиж хагас шигшээд шалгарлаа. Словак хэсгийн тоглолтод АНУ-ыг 4:1-ийн харьцаатай хожиж, шуугиан тарьсан билээ.
 
Одоогийн байдлаар тэмцээний мэргэн буучийн жагсаалтыг 15 оноотой Финляндын Петри Контиола, 13 оноотой ОХУ-ын Илья Ковальчук, АНУ-ын Пол Штястны нар тэргүүлж байна. 

2013 оны Хоккейн дэлхийн аварга шалгаруулах тэмцээнд шигшээ багууд доорх байдлаар байр эзлээд байна.

4.
5.	Канад
6.	ОХУ
7.	Чех
8.	Словак
9.	Герман
10.	Герман
11.	Латви
12.	Франц
13.	Дани
14.	Белорусь
15.	Австри
16.	Словен