Үе үеийн эрчүүдийн унших дуртай, дэлхийн “number one” сэтгүүл гэгддэг “Playboy”-ийн эзэн, 87 настай Хью Хефнерийн өөрөөсөө олон насаар дүү, залуухан эхнэртээ бэлэглэсэн хуримын бэлгийн талаар шар хэвлэлүүд дэлгэжээ. Тэрээр хуримлаад удаагүй байгаа 27-хон настай эхнэр Кристал Харрист Лос-Анжелост таван сая ам.долларын үнэтэй тансаг харш бэлэглэсэн байна.
Хосууд өнгөрөгч оны арванхоёрдугаар сарын 31-нд хуримаа хийснээс хойш дөрвөн сарыг хамт үдээд байгаа юм. “Playboy Enterprises”-ийн эзэн, дэлхийн шоу ертөнцийн нөлөө бүхий эрхмийн эхнэртээ бэлэглэсэн 557.4 метр квадрат талбайтай, чулуугаар “урласан”, хоёр давхар уг харш дотор засал чимэглэлийн хувьд хамгийн төгс шийдэлтэй гэнэ.
Э.АНХТУЯА