Дуучин Куш, төгөлдөр хуурч Оюука нарын “Kush & Oyuka” хамтлаг тун удахгүй "Say It Now" жазз тоглолтоо хийхээр төлөвлөжээ.  Хөгжим бүжгийн коллежийг төгссөн мэргэжлийн уран бүтээлчид 2011 оноос жазз урсгалаар тоглож эхэлсэн бөгөөд өөрсдийн цуврал ковер тоглолтуудыг хөгжим сонирхогчдод хүргэсээр ирсэн билээ. Тэд энэ удаад дөрөв дэх бие даасан “Say it now” тоглолтоо ирэх зургадугаар сарын 8, 9-нд Соёлын төв өргөөний ард байрлах  “iLoft Function House”-д 19.00 цагт хийхээр товоо зарлалаа. Уг тоглолтод тэдний цомогт орсон дуунууд болон стандарт жазз дуунуудаас эгшиглэх гэнэ. Мөн энэ тоглолт нь хамтлагийн анхны ЕР цомгийн нээлт болох юм байна.