Монголбанк өнөөдөр /тавдугаар сарын 16/ хуваарь ёсоор гадаад валютын дуудлага худалдаа зохион байгууллаа. Дуудлага худалдаагаар арилжааны банкууд 53.2 сая ам.доллар худалдан авах санал ирүүлсэн бөгөөд Төв банк 1438.98 төгрөгийн хаалтын ханштайгаар 35 сая ам.долларыг банкуудад худалджээ. Харин юанийн худалдаагаар банкууд 101.5 сая юань худалдан авах санал ирүүлсэн байна. Төв банк 233.38 төгрөгийн хаалтын ханштайгаар 100 хувь биелүүлж, валютын захад нийлүүлжээ.

Харин банкуудын своп хэлцлээр 40 сая ам.доллар худалдан авах санал ирүүлсэн бөгөөд Монголбанк саналыг 100 хувь биелүүлж, валютын захад ам.доллар нийлүүлэв.

Гадаад валютын дуудлага худалдаа нь валютын дотоодын зах зээлийн үйл ажиллагааг ил тод, нээлттэй явуулах, үр ашгийг нэмэгдүүлэх, төгрөгийн ханшийг тогтвортой байлгах зорилготойгоор Монгол банкнаас авч буй нэгэн арга хэмжээ ажээ. Үүнийг Монгол банк долоон хоног бүрийн мягмар, пүрэв гарагт зохион байгуулдаг бөгөөд арилжаа буюу дуудлага худалдаанд зөвхөн Монгол Улсад банкны үйл ажиллагаа эрхэлдэг банкууд оролцдог юм.