Боловсрол, шинжлэх ухааны яам, Техник-технологийн улсын олимпиадыг зохион байгуулах дэд хороо, Технологи, дүрслэх урлагийн боловсролын академиас хамтран зохион байгуулсан техник-технологийн улсын  ХҮII олимпиад “Найрамдал” олон улсын хүүхдийн төвд гурван өдөр амжилттай боллоо.

Тус олимпиадад нийслэл, 21 аймгаас шалгаран ирсэн 300 гаруй шилдэг сурагч, багш нар есөн төрлөөр ур чадвараараа өрсөлдлөө.

Олимпиадын нээлт, хаалтын ажиллагаанд БШУЯ-ны Бага, дунд боловсролын хэлтсийн дарга Б.Гантулга, Технологи, дүрслэх урлагийн боловсролын академийн ерөнхийлөгч Л.Цэрэнсодном, “Найрамдал” олон улсын хүүхдийн төвийн захирал, Гавьяат багш Т.Түвшин нар оролцлоо.

Олимпиадын нээлтийн ёслол дээр МУБИС-ийн Дүрслэх урлаг, технологийн сургуулийн захирал, Техник-технологийн улсын олимпиадыг зохион байгуулах дэд хорооны дарга, доктор профессор Л.Цэдэнсодном үг хэлэхдээ “Зохион бүтээх авъяас чадвартай сурагчдын уран бүтээлийг шалгаруулах, бүтээлч сэтгэхүйг хөгжүүлэх зорилгоор жил бүр уламжлал болгон явуулж байгаа техник-технологийн улсын олимпиад нь манай улсын ирээдүйн шилдэг инженер, зохион бүтээгчдийн техник сэтгэлгээний анхны сорилт болдог юм. Манай олимпиадад оролцогчдын хүрээ жил ирэх бүр өргөжиж тэдний бүтээлч сэтгэлгээ улам бүр тэлж байгаа нь бидний бахархлыг төрүүлж байна.” гэж онцлон дурдлаа.

Энэхүү олимпиадын шүүгчээр нийтдээ 20 багш ажилласнаас ерөнхий шүүгчээр МУБИС-ийн ДУТС-ийн Дидактикийн тэнхимийн эрхлэгч доктор /Ph.doctor/, дэд профессор А.Энхмаа, нарийн бичгийн даргаар тус сургуулийн Технологийн тэнхимийн эрхлэгч, доктор /Ph.doctor/, дэд профессор Д.Сэрээтэрдорж нар ажилласан байна. Шүүгчдийн бүрэлдэхүүнд авто, нисэх, усан онгоцны загварын клубын багш нар тэрчлэн мэргэжлийн төрийн бус байгууллагын төлөөлөл мөн багтсан байна.

Олимпиадын дүнг төрөл бүрээр дор толилуулж байна:

Технологи, зураг зүйн эрэгтэй багш нарын, ур чадварын тэмцээнд:

1. Нэгдүгээр байр    Мягмарын Пүрэвжав /Дорнод аймаг/
2. Хоёрдугаар байр    Уламбаярын Ганхөлөг /Өмнөговь аймаг/
3. Гуравдугаар байр    Жамьяаншаравын Дондовпүрэв /Улаанбаатар хот/
4. Дөрөвдүгээр байр    Төмөрбатын Батмөнх /Улаанбаатар хот/
5. Тавдугаар байр    Далантайн Батжаргал /Сүхбаатар аймаг/

Технологи, зураг зүйн эрэгтэй сурагчдын ур чадварын тэмцээнд:

1. Нэгдүгээр байр    Баянхангайн Баясах-Лхагва /Дархан-Уул аймаг/
2. Хоёрдугаар байр    Амарсайханы Энх-Амгалан /Хөвсгөл аймаг/
3. Гуравдугаар байр    Жамсрангийн Балдорж /Улаанбаатар хот/
4. Гуравдугаар байр    Отгонзулын Баттулга /Улаанбаатар хот/
5. Дөрөвдүгээр байр    Мөнхнасангийн Төмөр-Очир /Орхон аймаг/
6. Тавдугаар байр    Амгаланбатын Төгөлдөр /Өмнөговь аймаг/

Технологи, зураг зүйн эмэгтэй багш нарын, ур чадварын тэмцээнд:

1. Нэгдүгээр байр    Цэмбэлноровын Хоролсүрэн /Өмнөговь аймаг/
2. Хоёрдугаар байр    Сумьяагийн Одбаяр /Дархан-Уул аймаг/
3. Гуравдугаар байр    Цогцагааны Оюунгэрэл /Улаанбаатар хот/
4. Дөрөвдүгээр байр    Даваагийн Мөнхтуяа /Дорнод аймаг/
5. Тавдугаар байр    Сандуйн Түмэнжаргал /Дорноговь аймаг/

Технологи, зураг зүйн эмэгтэй сурагчдын ур чадварын тэмцээнд:

1. Нэгдүгээр байр    Энхбатын Шинэзаяа /Улаанбаатар хот/
2. Хоёрдугаар байр    Отгонбаатарын Цэнд-Аюуш /Орхон аймаг/
3. Гуравдугаар байр    Алтанхуягийн Ууганчимэг /Хөвсгөл аймаг/
4. Дөрөвдүгээр байр    Аюушжавын Цэвээн /Сүхбаатар аймаг/
5. Тавдугаар байр    Батзаяагийн Хандмаа /Улаанбаатар хот/

Авто дуураймал загварын тэмцээнд:

1. Нэгдүгээр байр    Мягмаржавын Баярсайхан /Улаанбаатар хот/
2. Хоёрдугаар байр    Цогтсайханы Пүрэвцэрэн /Увс аймаг/
3. Гуравдугаар байр    Мөнхнасангийн Мандах /Дархан-Уул аймаг/
4. Дөрөвдүгээр байр    Эрдэнэбаатарын Билгүүнбаатар /Улаанбаатар хот/
5. Тавдугаар байр    Нямхүүгийн Нарантөгөлдөр /Төв аймаг/

Нисэх онгоцны загварын тэмцээнд:

1. Нэгдүгээр байр    Дамдингийн Дашдорж /Төв аймаг/
2. Хоёрдугаар байр    Алтансүхийн Итгэл /Дархан-Уул аймаг/
3. Гуравдугаар байр    Отгонбаатарын Төгөлдөр /Улаанбаатар хот/
4. Дөрөвдүгээр байр    Даваасүрэнгийн Адьяасүрэн /Хөвсгөл аймаг/
5. Тавдугаар байр    Болдбаатарын Болд-Эрдэнэ /Сэлэнгэ аймаг/

Усан онгоцны загварын  тэмцээнд:

1. Нэгдүгээр байр    Батбаярын Цэрэндорж /Улаанбаатар хот/
2. Хоёрдугаар байр    Батжаргалын Анхбаяр /Увс аймаг/
3. Гуравдугаар байр    Уламбаярын Ням-Осор /Улаанбаатар хот/
4. Дөрөвдүгээр байр    Хангайн Наранбаяр /Сэлэнгэ аймаг/
5. Тавдугаар байр    Төрбатын Оюунзаяа /Улаанбаатар хот/

Дүрслэх урлаг, дизайны багш нарын тэмцээнд:

1. Нэгдүгээр байр    Батбандийн Мэндсайхан /Увс аймаг/
2. Хоёрдугаар байр    Даваадоржийн Гантөмөр /Улаанбаатар хот/
3. Гуравдугаар байр    Жанлавын Энхбаатар /Говь-Алтай аймаг/
4. Дөрөвдүгээр байр    Төмөрбатын Отгондалай /Хөвсгөл аймаг/
5. Тавдугаар байр    Пүрэвийн Болдбаатар /Улаанбаатар хот/

Дүрслэх урлаг, дизайны сурагчдын тэмцээнд:

1. Нэгдүгээр байр    Энхбаярын Марал-Эрдэнэ /Улаанбаатар хот/
2. Хоёрдугаар байр    Батбаярын Ариунзаяа /Увс аймаг/
3. Гуравдугаар байр    Энхтүвшингийн Амарсайхан /Улаанбаатар хот/
4. Дөрөвдүгээр байр    Баяраагийн Төгөлдөр /Улаанбаатар хот/
5. Тавдугаар байр    Болормаагийн Хулан /Улаанбаатар хот/

Багийн дүнгээр нэгдүгээр байрыг Улаанбаатар хотын баг, хоёрдугаар байрыг Увс аймгийн баг, гуравдугаар байрыг Дархан-Уул аймгийн баг эзлэв.

Олимпиадын шүүгчдийн зөвлөлийн нарийн бичгийн дарга, МУБИС-ийн ДУТС-ийн Технологийн тэнхимийн эрхлэгч, доктор /Ph.doctor/, дэд профессор Д.Сэрээтэрдорж олимпиадын тухай сэтгэгдлээ ярихдаа “Манай олимпиадын нэр хүнд жил ирэх бүр өсч сурагчид, багш нарын техникийн сэтгэлгээ мэдэгдэхүйц тэлж шинэ санаа, шийдэл олноор төрж байна. Энэ удаа бүх аймгийн багууд жигд, идэвхтэй оролцлоо. Миний хувьд 12 дахь жилдээ нарийн бичгийн даргаар ажиллалаа. Манай олимпиадад Сэлэнгэ аймгаас оролцон түрүүлж манай сургуулийг төгссөн шавь, одоо багшаар ажиллаж байгаа М.Баасанбаяртайгаа хамт шүүгчээр ажилласандаа баяртай байна. Урьд нь манай олимпиад зургаан, 12 төрлөөр явагдаж байсан бол энэ жил есөн төрлөөр явагдаж сурагчдын дүрслэх урлаг, дизайны төрөл анх удаа олимпиадын нэг төрөл болсон. Хамгийн сонирхолтой нь энэ төрөлд хүрэл медаль хүртсэн сурагч Э.Амарсайхан СУИС-ийн “Кино, телевиз, театрын зураг дизайн”-ны ангид суралцах эрхийг сонгон авсан. Шагналт байранд орсон хүүхдүүд голдуу манай сургууль, ШУТИС-ийг сонгодог л доо. Журам ёсоор сурагчдын тэмцээний зургаан төрөлд эхний гурван байр эзэлсэн сурагчид алт, мөнгө, хүрэл медаль, мөнгөн шагнал авч нийтдээ 18 сурагч элсэлтийн шалгалтгүйгээр их, дээд сургуульд сургуульд эрхээр шагнуулж манай сургууль нэмж найман сурагчийг сургуульдаа суралцах эрхээр урамшууллаа. Манай сургуулийн зүгээс хөдөө орон нутгаас ирсэн хүүхдүүдийг нийслэл хоттой танилцуулах аялал зохион байгуулсан” гэдгийг онцоллоо.