Дуурийн шилдгүүдийн улаан хивсний ёслол болно

Дуурь, бүжгийн эрдмийн театрын хамт олон энэ долоо хоногт 50 жилийнхээ ойн хөтөлбөрөө толилуулахаар үзэгчиддээ зэхээд байгаа юм. Уг ойн арга хэмжээ энэ сарын 14-19-ний хооронд ДБЭТ-т болно.

1963 оны тавдугаар сарын 15-ны өдөр П.И.Чайковскийн “Евгений Онегин” дууриар анх хөшгөө нээж байсан ДБЭТ-ын уран бүтээлчид энэ удаа 50 жилийн ойн арга хэмжээгээ маргааш 10.00 цагт “Сонгодог урлаг 50 жилд” эрдэм шинжилгээний бага хурлаар нээх юм. Тус хурлаар эрдмийн статустай сонгодог урлагийн театрын хүчин зүйлүүд болох дуурь, балет, хөгжмийн онцлог, сонгодог урлагийн менежмент, марктенгийн үйл ажиллагааны хөгжлийн үе, шат, түүний түвшин, ирээдүйн чиг хандлагын талаар хэлэлцэх юм байна.

Мөн маргааш 14.00 цагт ДБЭТ-ын шилдэг уран бүтээлчдийн улаан хивсний ёслол болох ба үүнд, тус театртай амьдралаа холбосон үе үеийн уран бүтээлчид хүрэлцэн ирэх нь ээ.

Түүнчлэн, улаан хивсний ёслолын арга хэмжээний дараа ДБЭТ-т “Уран бүтээлийн түүхэн үзэсгэлэн”-гийн нээлт, “Гэгээн оргил өөд” түүхэн баримтат киноны нээлт тус тус болох юм. Харин тавдугаар сарын 15-нд уламжлал ёсоор П.И.Чайковскийн “Евгений Онегин” дууриар 50 жилийн ойн нээлтээ хийн, 16-19-ний өдрүүдэд дэлхийн сонгодог болон Монголын шилдэг бүтээлүүдээс үзэгчдийн хүртээл болгох нь ээ. Мөн ДБЭТ-ын шилдэг уран бүтээлүүдээс бүрдсэн дуурь, балет гэсэн хоёр хэсэг бүхий “Гала” тоглолтоо толилуулах бөгөөд сонгодог урлагийг шимтэн сонирхогч үзэгчиддээ зориулан тус театрын уран бүтээлчид таван өдрийн турш шилдгийн шилдгүүдээ сорчлон хүргэх аж.

ДБЭТ-ын 50 жилийн ойн хөтөлбөр:

14-нд

10.00-12.00 “Сонгодог урлаг 50 жилд” эрдэм шинжилгээний бага хурал үзэгчдийн танхимд
14.00-15.30 ДБЭТ-ын хамт олны “Улаан хивсний ёслол”-ын арга хэмжээ ДБЭТ-т
15.30-16.00 “Уран бүтээлийн түүхэн зураг” гэрэл зургийн үзэсгэлэнгийн нээлт ДБЭТ-ын фоёнд
16.00-17.30 “Гэгээн оргил өөд” 50 жилийн ойн баримтат киноны нээлт үзэгчдийн танхимд

15-нд