Ц.Намсрайжавын нэрэмжит Улсын филармонийн уран бүтээлчид удахгүй тохиох дэлхийн гэр бүлийн өдрийг тохиолдуулан “Бид нэг гэр бүл” тоглолтыг энэ сарын 15-нд СТӨ-нд зохион байгуулахаар болжээ. Тоглолтын ерөнхий найруулагчаар Урлагийн гавьяат зүтгэлтэн, Төрийн соёрхолт, бүжиг дэглээч С.Сүхбаатар, хөгжмийн найруулагчаар Соёлын тэргүүний ажилтан Д.Мягмардорж нар ажиллаж байна. Тус тоглолтод Улсын филармонийн “Баянмонгол” чуулга, Морин хуурын чуулга, симфони найрал хөгжим, гоцлол дуучид бүрэн бүрэлдэхүүнээрээ оролцох аж. Тоглолтод Ардын жүжигчин Ц.Батчулуун, Урлагийн гавьяат зүтгэлтэн, удирдаач Н.Бүтэнбаяр, Б.Ганбат, Соёлын тэргүүний аижлтан Д.Түвшинсайхан, Б.Батбаатар, С.Саруул-Од  нар удирдаачаар оролцох бол Ардын жүжигчин Ш.Чимэдцэеэ, Соёлын тэргүүний ажилтан Э.Сандагжав, Б.Цэдвээ, У.Хулан, Д.Бурмаа, “Voice” группийн дуучин С.Баттулга, Д.Отгонжаргал, А.Эрдэнэжаргал, “Hot Spot” хамтлагийн Н.Наранбаатар, “Asian Shop”-ын дуучин П.Бат-Ундрах, залуу дуучин Т.Амина зэрэг урлаг, соёлынхон нэгэн тайзнаа ая дуугаа өргөх нь ээ.